2012年1月23日 星期一

新年快樂

今日要返工 一定會好辛苦/_\
琴日我十分勁 同呀媽去買野 抽勁夕野返尼
之後幫我D祖先整紅頭繩 再去買花
返到尼插花 靚靚

話說之前返工見到春光無限的畫面
長椅上 兩個男仔 其中一個枕左係另一個的心口
上天係咪想安慰身心疲倦既我??!!

唔打日記既人自動自覺啦下
好啦..執野先啦..

2012年1月17日 星期二

these days..

剛才知道了JENNY她竟然有不快的時候
其實我頭先打電話比佢係想叫佢幫手ADD DROP
聽到佢好似好攰咁 問多兩句
原來佢覺得自己成績好差
原話係:前所未有咁低呀
我有點詫異 因為JENNY讀既係佢自己想讀既野
加上聽人講佢個科係容易入大學
我唔係話佢自己簡既一定會讀得好
不過點都會讀得好少少掛  雖然佢係走頹風
仲有我見佢都有溫書
所以真係好奇怪

今次真係好幸運 因為我完全覺得我係要RETAKE既人選
仲要科科都冇把握
不過今次都唔可以話係我既目標
我一定要過3.2
如果係IED 呢個真係唔算難啦
但係HKCC 我希望我可以達到啦
如果達到之後再向更高的目標進發
好了 JENNY你唔洗咁灰 只要你肯努力 一定可以達到你想要既成績既
YOU ARE BETTER THAN YOU THINK

唔洗返工既日子真係不斷沉迷電腦
兩日內我睇左:
the mentalist(new ep)
the vampire diaries(new ep)
super natural(new ep)
the girl with dragon tattoo 1 and 2
那些年...
康熙
華麗的挑戰
有D太舊唔方便透露.....
打完出尼有點慚愧T^T
食左好多零食..果然..返工的失落感係需要一D野去彌補
聽日又要返工了 有個好消息就係我仲未用過我既血汗錢!
加油呀你~

2012年1月16日 星期一



He's soooo cute!!!!
最後還比了個X
我張飛仲未有人要(苦惱)

出左成績 好平安 多謝上帝 下個學期真係唔想再咁惶恐

我會努力!

2012年1月15日 星期日

由於天氣的關係,
聽日我會在家中頹。

2012年1月12日 星期四

點算?好好聽呀 
得一分鐘 好想聽哂全部!!!
快D聽下我個神的作品啦你地 淨化你地既心靈!

2012年1月11日 星期三

我的神



講得咁有條理 一定有準備過!!
睇得出YOSHIKI真係好開心可以接到呢個JOB
月多人知道YOSHIKI意味住更多人知道X
YOSHIKI就可以將佢創造的X征服世界
從來佢想的只是這樣
其實這也是他應該得到的

2012年1月8日 星期日

好攰呀今日..
星期日真係好多人
今日問親野既都係強國人-_-
講左好多強國話(沮喪)

好似有次係英文 結果我隻手指著左邊
但我口講: turn right.
呀!!!!我唔係左右不分架!!唔好誤會我呀!!!!!
我只係需要時間諗下左右係邊邊T^T

好蠢呀最近..今日遲到左10分鐘 一沖入去
點知佢地briefing 全部人望住我
呀~~~~~~~~~~~~~~~~~~~~~

而家聞到快餐味就好想嘔-_-
中途出戶外抺雀屎
陌生同事無啦啦走左過尼 曰:你係咪抺緊雀屎?
我抬頭 心諗:你唔係係度奚落我呀ma??
曰:係呀
佢:抺雀屎唔係用呢塊布..
明明個呀姐教我抺雀屎用污穢的布 之後掉左佢既
佢做咩話我唔岩!!!
之後佢話你用完記住掉左佢
我火都尼埋 唔掉唔通攞尼收藏牙??

2012年1月6日 星期五

今日我去左迪士尼玩

TOY STORY LAND
除左彈弓狗之外都有玩
玩左兩次space maintain
Jenny醜相同埋我扮大陸人影相有冇人想睇??!!
我已經收藏左好多佢既醜態啦

其實今日係放假 不過我本住唔可以蝕比佢既心態去左玩
JENNY收4點 所以一齊
佢好似慘過我 要收集食物殘渣 哈哈

李潔穎(爆返你全朵)
人地打比你諗住傾心事 你竟然拒絕人地
之後我打左比JENNY同奶媽訴苦
當我講:其實都冇咩野/好無聊架WO/我都唔知點解會咁架
有人回應:唔緊要啦你講啦
呢種感覺真係好好
奶媽我愛你呀!!!

2012年1月1日 星期日

開心新年(happy new year!)

陪我由2011踏入2012既係我的秋香!yeah!!
12月31日的培訓真係悶到嘔,同坐到patpat十分痛!
9:00上到6:00  坐係同一間房 真係會有密室恐懼症
個tutor係主持人mode 奈何講既野十分無聊
唯有自high 於是成日講唔好笑既野自己笑

狂睇手表做人,6:04PM走時終於可以呼吸新鮮既空氣
天都黑齊
J=Jenny
J:頭先坐我隔離果個女仔之前有做過,佢話上年佢正係返左9日工
我:下...唔係呀MA??!
J:唉...為左呢份野...
我:我地希生得太多啦!!!一定要玩返夠本!!!!
J:係囉!!!放工放得早就即刻去玩...

打完之後好似好無聊咁...
話說我大概知道我係邊度做野啦
好熱情呀套戲服(佢地稱自己為演藝人員,制服為戲服)
我會係明日世界工作
套衫....自行想像
提示:一定比JENNNY取笑
不過佢果件我已經完全知道係點架啦
因為上堂有SHOW到佢果件係個PPT到
我經已取笑左佢好耐
佢係幻想世界到做(姐係以公主同王子做主題既區域)
公主袖加圍裙=妹仔裝
佢聽幫強國人洗腳啦!!仲要問:公主,舒唔舒服呀?
哈哈哈哈!!!!!(話我變態就反彈無回頭!!)

上完培訓就去左同HOSZEKI同SOLAIYIN DINER~
謝謝你們讓我能夠坦率


買左泡泡染髮(比人話我布丁頭)
返到家都十點幾...整整下都11:42PM
我極速地沖涼 好驚趕唔切倒數
因為我約左我的秋香

11:55PM打比佢(秋香/奶媽)
我:喂~
奶:喂~
我:你個鐘而家幾點?
奶:....
我:你有冇開電視?
奶:冇BO。
我:咁我地咪唔同步囉?
奶:咁我開電視囉。

我:不如練習一下
奶:咁快?
我:那..我地一陣一齊倒數啦,之後要講新年快樂架..
奶:哦
我:要笑住講!
奶:唔笑..
我:咁微笑啦
奶:下..你點知我有冇微笑?
我:我相信你!

倒數過程省略..


我:我頭先差D趕唔切呀!!如果趕唔切我一定要補番,我地自己再倒數多一次!!
奶:(笑)
我:今日我贏左一套迪士尼閃卡!你中唔中意架?我送比你呀..
奶:但我一定保存得唔好..會唔見架BO..
我:咁我之前比你既野你係咪唔見哂????!!!
奶:有一封信同一張聖誕卡,洗唔洗我讀比你聽?
我:唔 洗 呀 ! ! ! !警告你唔好而家睇呀!!!!內容一定好核突/_\
之後我叫佢讀下我今年比佢既聖誕卡
自己都唔知自己寫左D咁嘔心既野 (鄙視自己)
之後再傾左陣計 原來佢中意賢良淑得既女仔(要唔要老爺替你做主呀??)
最記得係...
我:奶媽,第時你有左中意既人一定要講比我知..
奶:好呀.....你應該會係第一個知道...
我:真係架???!!
奶:嗯!


HAPPY NEW YEAR!!