今日又返學了
而家要6:00AM起身,有D眼訓
第一堂係英文,老實講好大壓力
以前係HKIed,雖然都有英文堂,但知道自己已經算係英文唔錯的一批人
所以都冇咩問題
但而家個老師英文太好,同學有D英文係母語級別,又有D係深不可測既
結果就係我好驚,完全唔敢講野
話說所有科的教學語言都係英文
仲要D老師唔係以前沐恩D老師講英文的水平
結果就係我堂堂都沉默是金
朋友方面,已經冇咩心情識佢地,又唔知同佢地講咩好
我又唔係成日出尼玩果D人
又唔會唱K果D,而家下就冇堂,我就要自己食LUNCH了
因為上完堂我已經好餓,冇理由返到大埔先食
上完堂餓係因為我早起身,6點幾食早餐到12點半已經差唔多6個中..
唉,又開始落谷底啦...小琳,你個邊會唔會同我好似,咩人都講英文,又冇得食野
今日仲要返到家佢先分個LOCKER比我
D書同NOTES重到手都斷
個LOCKER仲要係9樓,我平時最高都只係在7樓上堂
課外活動我係冇參加 又唔知係點既
結果就係我而家係不活躍份子
如果JENNY同我一齊上堂可能會好好多
知己真係難求
天呀,快D賜個朋友比我啦!!!
沒有留言:
張貼留言