2012年5月26日 星期六

長洲小記



琴日去左長洲玩
約好左11:00火炭等
如果落雨就唔去
點知出門口冇耐就落雨-__-
即刻打比JENNY
佢果邊冇落 唔通舊雲正係係大埔?!

上到火車好多人 結果我地去到KOWLOON TONG先見到面
之後就去中環碼頭搭船
我同JENNY雨個人盲中中咁終於尼到長洲啦!

原本以為長洲咁細 亂咁行都得
(JENNY同我既諗法係一樣,如果我地兩個一齊出現係荒島絕對係唔洗指意生存既)
點知D巷仔條條差唔多 又冇咩路牌
結果迷路N次 不過行行下就無事:)
食左魚蛋同糯米糍(最好食係呢兩樣,其他都好普通)

之後走左去沙灘 見到人地玩水 又好熱
我同JENNY決定去象徵式踢下水
去左買拖鞋,沙灘"蔗"同毛巾

WO~~~D水好涼
JENNY著長褲 個浪過尼既時候
佢: 呀~~~我褲腳濕哂啦!!!
我:哈哈..我都係呀!!!(我唔知點解以為佢講隻腳濕哂)
佢:你都冇褲腳!!!!係咪串緊我呀你??!!!(我著裙*V*)
之後我先GET到 笑到我差D跌倒

我成日勁驚會有人偷野(見過鬼是怕黑的)
所以就玩左大慨8個字就走去租單車玩

話說長洲D單車唔同大美督(JENNY唔識踏單車所以我地租家庭車)
佢係前面一個人踏 後面一個人坐既
超恐怖!!!JENNY係D巷仔到踏 我係後面勁驚/_\
佢完全意識唔到架車係肥
踏到貼哂牆咁-_____-
我係車上面不斷叫"小心小心!"
最後以轆到呀嬸作結
到我踏
係D巷仔度真係好難控制
最後我撞跌左人地鋪頭出面既一架單車

我地沮喪到踏左半個中就諗住去還車
(岩岩去到長洲既時候JENNY不斷笑踏家庭車既苦力,最後佢話:我以後唔會再笑佢地架啦!)
之後踏返出去寬敞既海徬就好好多
所以長洲既家庭單車真係唔好踏入巷仔-___-

踏完單車有D渴就去買野飲 JENNY買左呃錢刨冰
我買左包菊花茶 之後就一齊去搭船
我地訓左成程 係最後落船既兩個人


行去MTR STATION時經過IFC MALL
我把葵扇已經同呢個社會格格不入T^T
本來JENNY都要拎沙灘"蔗"陪我老土架
但係單車混亂旅程中竟然唔見左
牛"那"咁大都可以唔見!!!-____-

之後兩個人就回家了

嗚...今日YOSHIKI尼香港呀...不過頭五十個先有得同佢會面
加上路途遙遠而且在下十分貧窮 我果斷咁決定係屋企等消息T^T
YOSHIKI 你下次尼我會死去你度架啦!!!(下跪)

以上



沒有留言:

張貼留言